Ampulyariləri ilbizlər,avropaya keçən əsr Cənubi Amerikadan gətiriliblər. Ampulyari İlbizlərdən suyun yaxşi və pis olduğunu bilmək olar, bu akvariumun yaxşı vəziyyətinin göstəricisidir Təbii rəngləri solğun qəhvəyidir, lakin akvariumlarda sarı rəngli albinoslar daha populərdır. Sudakı və havadakı oksigenlə nəfəs ala bilirlər. Bu onlara sudan çıxmağa imkan yaradır və hətta sudan kənarda kürüləyirlər. Hava ilə nəfəs almaq üçün suyun səthinə qalxır və boru - sifon vasitəsi ilə havanı ağ ciyəri əvəz edən xüsusi boşluğa çəkirlər. Buna görə də akvariumun üstü az da olsa açıq olmalıdır. Yetkin fərdlərin sifonu 9-10 sm-ə çata bilər. Ampulyarilərin özləri də iri ölçülərə malikdirlər. Çanaqları 7 sm, ayaqları isə 8-9 sm uzunluğunda və 3.5 sm enində olur. Iy bilmə qabiliyyətləri yaxşı inkişaf edib. Akvariumda qidanı hiss edən kimi qeyri-adi sürətlə yemə tərəf sürünürlər. Ampulyarilər hər növ yem yeyirlər, akvariuma yerkökü, kahı, kələm və ya xiyar tullamaq lazımdır. Əgər artırmaq istəsəz akvariumda bir neçə ampulyari saxlamalısız. Çünki ampulyarilər ikicinslidirlər və erkəklə dişini seçmək mümkün deyil. Suyun tərkibinə və temperatura o qədər də tələbkar deyil. Temperatur 15-33˚ C arasında dəyişə bilər. Lakin aşağı temperaturlarda ləng hərəkət edirlər və kürüləmirlər. Balıqlara nadir hallarda zərər verirlər sülhsevər balıqlarla çox yaxşı yola gedirlər. Lakin aqressiv balıqlar ampulyariləri ya yeyir ya da rahat yaşamaqlarına mane olurlar. Ampulyarilər olan akvariumda balıqları müalicə etmək istəsəz ilk öncə ampulyariləri akvariumdan çıxardın. Çünki balıqlar üçün olan preparatları əksəriyyəti ampulyari və digər ilbizlər üçün zəhərlidir.